فلسطین قانون ساز کونسل کے سپیکر ڈاکٹر عزیز دویک جو اسرائیلی جیلوں میں قید ہیں نے کہا ہے کہ فلسطینی عوام قومی یکجہتی میں یقین رکھتے ہیں اورانہوں نے کہا کہ موجودہ صورت حال انتہائی نازک ہے اور ہر شخص کو اپنی ذمہ داری ادا کرنا چاہیے-
مرکز اطلاعات فلسطین کو انٹرویو دیتے ہوئے ڈاکٹر عزیز دویک نے کہاکہ فلسطینی اتھارٹی کے سربراہ محمود عباس کی جانب سے حماس کے ساتھ مذاکرات نہ کرنے کے اعلان کے بعد اس میں کوئی شبہ باقی نہیں ہے کہ اتھارٹی کے سربراہ کی ذمہ داری صرف یہ ہے کہ وہ اپنے عوام کی توقعات پر پورا اترے اور فلسطینی عوام کی خواہش یہ ہے کہ عرب اور مسلم عوام کی خواہشات کے عین مطابق سرزمین قدس کو آزاد کرایا جائے اور جو کوئی بھی اس بنیادی اصول کی خلاف ورزی کرتاہے وہ عوام کو نقصان پہنچاتاہے-
موسم سرما میں امریکی نگرانی میں ہونے والی امن کانفرنس کے حوالے سے ایک سوال کا جواب دیتے ہوئے انہوں نے کہا کہ اس کانفرنس سے کوئی نتیجہ برآمد نہ ہوگا-
