غزہ کی پٹی میں حماس کے ترجمان سامی ابو زہری نے کہا ہے کہ پی ایل او کی جماعتوں کی جانب سے ہڑتال کی اپیل ناکام ہوچکی ہے –
ابو سامی نے اپنے بیان میں کہا کہ غزہ میں تجارتی زندگی ،عوام الناس کی نقل و حرکت اور تعلیمی سلسلہ بحال ہے – مرکز اطلاعات فلسطین کے نمائندگان اور دیگر عوامی ذرائع نے کہا ہے کہ پی ایل او کی جانب سے عام ہڑتال کی اپیل ناکام ہوچکی ہے اور شہر کے مختلف علاقوں میں سکول ، سرکاری ،غیر سرکاری ادارے موٹرگاڑیوں کے ذریعے اورطبی مراکز میں لوگوں کی نقل و حرکت جاری ہے –
مرکز اطلاعات فلسطین کو انٹرویو دیتے ہوئے انہوں نے کہا کہ پی ایل او اسرائیل کو قوت فراہم کررہی ہے – فلسطینی ڈاکٹر وں اور اساتذہ نے اعلان کیا ہے کہ وہ اپنی معمول کی ذمہ داریاں سرانجام دے رہے ہیں ، رکن پارلیمان خلیل الحیانے کہا ہے کہ پی ایل او کی جانب سے ہڑتال کی اپیل خود غرضی پر مبنی ہے اور وہ غزہ میں انتشار پیدا کرنا چاہتی ہے-
