غزہ میں نگراں فلسطینی حکومت نے ممکنہ اسرائیلی جارحیت سے نمٹنے کے لیے ہنگامی دفاعی منصوبے کا اعلان کیا ہے- حکومت کی طرف سے جاری ایک بیان میں کہا گیا ہے کہ اسرائیلی فوج کی غزہ پر جارحیت کوئی نیا واقعہ نہیں بلکہ روزکا معمول ہے- بیان کہا گیا کہ حکومت نے میں غزہ کے گرد اسرائیلی فوج کی نقل وحرکت اور بیت حانون میں اسرائیلی فوجی محاصرے کے بعد جوابی لائحہ عمل طے کر لیا ہے- اس سلسلے میں حکومت نے ملک کے تمام سکیورٹی اداروں کو ہائی الرٹ رہنے کی تاکید کرتے ہوئے ہر قسم کے جوابی حملے کی تیاری کے احکامات جاری کیے ہیں- بیان میں کہا گیا ہے کہ فلسطینی عوام اسرائیلی جارحیت کے سامنے ہرگز نہیں جھکیں گے بلکہ وہ کسی بھی قسم کی اسرائیلی جارحیت کا منہ توڑ جواب دیں گے-
دوسری جانب فلسطینی اسپیکر ڈاکٹر محمد عوض نے اقوام متحدہ اور عرب لیگ کوممکنہ اسرائیلی جارحیت اور اس سے پیدا ہونے والی صورت سے آگاہ کرنے کے لیے ایک خط بھی لکھا ہے- مراسلسلے میں اقوام متحدہ اور عرب لیگ سے فلسطینی عوام کے حوالے اپنی ذمہ داریاں ادا کرنے کی اپیل کی گئی ہے-
