رام اللہ میں قائم فلسطینی اتھارٹی کی غیر آئینی حکومت کے وزیراعظم سلام فیاض نے سابق اسرائیلی وزیراعظم ارئیل شیرون کے دفتر کے سربراہ ڈوویزگلاس سے مقبوضہ بیت المقدس میں خفیہ ملاقات کی- عبرانی ریڈیو نے غیر سرکاری اسرائیلی ذرائع کے حوالے سے کہا ہے کہ سلام فیاض نے ویز گلاس سے اتوار کی شام مقبوضہ بیت المقدس شہر کے ایک ہوٹل میں ملاقات کی- ذرائع کے مطابق اڑھائی گھنٹے تک جاری رہنے والی ملاقات کے دوران زیر بحث آنے والے موضوعات کا پتہ نہیں چل سکا، تاہم سلام فیاض کو دیکھا گیا کہ جب ہوٹل سے باہر آئے ان کے پاس ایک سی ڈی تھی-
